ياعمري الاول تودعت مرحوم = ياجمل ايامي بسن الطفـــــوله
سنين فيها حب لاحسد لالـــوم = خطواتها كانت سريعه عجوله
قضيتها مع انسان غالي ومحشوم = مثلت في ماضيه اجمل بطـــــــوله
كنت انتظر جيته واحسب له اليوم = واجمع له الالعاب لحظة وصــوله
نرتب الساعات للعب والــــــنوم = والهم والتفكير نجهل سجــــوله
الضحك عادتنا على الوجه مرسوم = والحزن نتجاهله في كل جــــــوله
احزن على فرقاه لاغاب له يوم = وافرح لملقاته اذا حان حـــوله
اعشقه يشهدلي سهر ليل ونجوم = ويشهد هلالن ماتغيب هلـــــــوله
هايم بحبه لي وانافيه مهيوم = من دم واحد نتفق في ميوله
لكن خاب الظن ماصابت حلوم = حصر السعاده والهناء لطفوله
قاموا يحسدوني عليه اقرب القوم = واصبح يوقع بصمته في محــــوله
حاربت حرب بارده مالها خصوم = دافعت لكن ما قوبت الحمـــــوله
ياناس انا رجال تشهدلي علوم = علمت وتعلمت معنى الرجــوله
والحاكم اللي ينهزم من خصوم = يبقى في التاريخ حاكم لــــدوله
والفارس اللي حد من سيف مثلوم = ماخانته يمـــــــــــناه احكم خيــوله
اثر الوفاء في هالزمن صار معدوم = كلن يداري مطلبه في فضـــــــــوله
خطه ذكيه امزجتها بقول مسموم = فيها الخيانه تتسم بالخــــــــجوله
الامر بيدك كان واضح ومحسوم = وانا قراري كان هامش حلــــــوله
قلبي عليه اليوم لازال منـــــدوم = لن الفراق الصعب حل بسهوله
هذا نصيبي وراضي بكل مقسوم = وهذا القدر لاجار ماخف هـــوله
عوانكم سجلني اكون مهـــــزوم = دامك ربحت الكاس فانا البطوله
ادري السعاده بعمر الانسان ماتدوم = والاالهناء لاغاب طال برحــــــــوله
ياطايري المرسول من فوقه تحوم = وصل رساله رد فيها لقـــــــــــــوله
مابي بديل له ولوعشت محروم = بديله العمر الذي خان طــــــوله
اتذكر ايامي معه كنها حلـــوم = سنين عشناها بعمر الطفـوله
الرئيسية 
البوابة 
أحدث الصور 
التسجيل 
دخول 
الأحد سبتمبر 30, 2007 2:49 am
